ಹೀಗೇ  ಗ್ರಹಿಸಿದ್ದು.. 

ಎಲ್ಲರೂ ಸಂಭಾವಿತರೇ .. ಅವರವರ ಪರಿಧಿಯೊಳಗೆ.. 

ನೋಡಬೇಕಾದದ್ದು ಪರಿಧಿಗಳ ವಿಸ್ತೀರ್ಣ ಮಾತ್ರ ..!

-------------------------------------

ಕಟು ಸತ್ಯ

ಕಟು  ಸತ್ಯವನ್ನ  ಅರಗಿಸಿಕೊಳ್ಳೋದು ಕಷ್ಟ.. 

ಹೆಂಗೋ ಅರಗಿಸಿಕೊಂಡ್ವಿ ಅಂದ್ಕೊಳ್ಳಿ .. 

ಅದನ್ನ ಇನ್ನೊಬ್ರಿಗೆ ಹೇಳೋದು ಇನ್ನೂ ಕಷ್ಟ!

ಅದರಲ್ಲೂ.. ಆಪ್ತರಿಗೆ..  ನೋವಾಗದಂತೆ  ಹೇಳೋದಿದೆಯಲ್ಲ .. .ತುಂಬಾನೇ  ಕಷ್ಟ... !

ಅಂದ ಹಾಗೆ ಇದು.. "ಕಟು ಸತ್ಯ"..! 

ಇನ್ನೇನು ದೀಪಾವಳಿ ಬಂತು.. 

ದಾರಿಯಲ್ಲಿರೋ ಅಂಗಡಿಗಳ ಮುಂದೆಲ್ಲ.. 

ತರಹ ತರಹದ ದೀಪಕಗಳು ..! ಚಂದ... !

   

ನಾನು  :  ಎಷ್ಟು ಚಂದ ಅಲ್ವ..  ಈ .. ದೀಪಾವಳಿ- ದೀಪಕಗಳು .. ಬೆಳಕು..  

ಫ್ರೆಂಡು :   ಸೆಂಟಿ ಆಗ್ಬೇಡ.. ಮುಂದೆ ಇರೋ ಇರೋ "ದೀಪಾ"ನ ನೋಡು.. !

💡Just PJ💡

 

ಗಗನ್  :

ಲೋ ಸೂರ್ಯ..ನೋಡು  ಅಲ್ಲಿ.. 

ಎಲ್ಲರೂ  ಹೋಳಿ ಆಡ್ತಾ ಇದಾರೆ... 

ಒಬ್ಬರಿಗೊಬ್ಬರು ಬಣ್ಣ ಸೋಕೋದು .. 

ತಪ್ಪಿಸಿಕೊಳ್ಳೋದು... 

ಮೈ ತುಂಬಾ ಬಣ್ಣ.. ಮುಖದ ತುಂಬಾ ನಗು... 

ಎಷ್ಟು ಚೆಂದ ಅಲ್ವ... 

ನಾವೂ  ಹೋಳಿ ಆಡೋಣವೇನೋ .. 

ಪ್ಲೀಸ್ ಇಲ್ಲ ಅನ್ನಬೇಡವೋ.. 

ಸೂರ್ಯ : 

ನೋಡು ಗಗನ್ ,

ನನ್ನ ಡ್ಯೂಟಿ ಶುರು ಮಾಡ್ಕೊಳೋ ಟೈಮ್ ಆಗಿದೆ.. 

ನಾಲ್ಕಾರು ಜನ ಇದ್ದಿದ್ರೆ ಚೆನ್ನಾಗಿರೋದು.. 

ನಾವಿಬ್ರೇ ಆಡೋದ್ರಲ್ಲಿ ಮಜಾ ಎಲ್ಲಿ... ? 

ಮೇಘಾ  : 

ಚಿಂತೆ ಮಾಡ್ಬೇಡ ಸೂರ್ಯಣ್ಣ .. ನಾನೂ ಬಂದೆ.. 

ಮೂರು ಜನ ಸೇರಿ ಸ್ವಲ್ಪ ಹೊತ್ತು ಆಡೋಣ... 

ನಮ್ಮ ರಂಗು ರಂಗಿನ ಹೋಳೀನಾ ಇಡೀ ಜಗತ್ತೇ ನೋಡಲಿ... !

---------------------------------------------------------

ಅಂದ ಹಾಗೆ.. ವಿಷ್ ಯು ಹ್ಯಾಪಿ ಹೋಳಿ  :) 

** ಟೆರೇಸಿನಿಂದ ಕಂಡಿದ್ದು.. ಕೇಳಿದ್ದು...  

  

--\/эйждт

ಬಿಸಿಲ ಬೇಗೆಯ ದಾರಿಯಲಿ..
ದೂರದಿ ನೀರ ಕಂಡಂತೆ ಭಾಸ..

ಹುಸಿಯಾಗದೆ,  ಹಸನಾಗಲಿ
ಬಳಲಿ ಬೆಂಡಾದ ಜೀವದ ಹರಕೆ ..

-----------------------------------

ಒಮ್ಮೊಮ್ಮೆ ಜೀವನ ... ಈ ಸುಡು ಬೇಸಿಗೆಯಂತೆ..  

 ಬೇಜಾರು.. ಸುಸ್ತು..!

ಏನೂ excitement ಇರಲ್ಲ... 

ನೆನಪಿರಲಿ.. 

ಮುಂದೆ ಮತ್ತೆ ಮಳೆ ಆಗತ್ತೆ.. 

ಬೇಸಿಗೆ ಮರೆಯಾಗತ್ತೆ.. ಮನಸು ನಲಿದಾಡುತ್ತೆ.. 

ಕಾಯ್ಬೇಕಷ್ಟೆ !

-- \/эйждт

ಕಿತ್ತು ಹೋಗಿರೋ ದಾರಿ.. ಹಾದು ಹೋಗುವಾಗೆಲ್ಲ ಭರ್ತಿ ಸಿಕ್ತಾ ಇದ್ದ ಧೂಳು...
ಇವುಗಳಿಂದ ಒಂಚೂರು ದೂರ ಹೋಗಬೇಕಾದರೆ ಮನುಷ್ಯ senti  ಆಗಬಹುದಾ...??


ನಾನು ಭ್ರಮಿಸಿಯೂ ಇರಲಿಲ್ಲ...


ಅಂದ ಹಾಗೇ..
ಇಷ್ಟು ದಿನ ಈ area ದಿಂದ ಹೊರಗೆ ಹೋದರೆ ಸಾಕು ಅಂದ್ಕೊಂಡಿದ್ದೆ..

ಇವತ್ತು ಆ ಕಾಲ ಕೂಡಿ ಬಂದಿದೆ...

ಖುಷಿಯಾಗಿರಬೇಕಾಗಿದ್ದ  ಮನಸು ಯಾಕೋ ಕೊಂಚ ಭಾರ...

 ನಾಲ್ಕು ವರ್ಷಗಳ ನಂಟು ...!!

ಮಣ್ಣಿನಲ್ಲಿ ಮೋಹ ಕಂಡಿದ್ದೆ... ಈಗ ಧೂಳಿನಲ್ಲೂ...!!


#ಮನೆ Shift ಮಾಡುವ ಸಂದರ್ಭ..⁠⁠⁠⁠

ನನ್ನ ಬದುಕಿನ ಒಂದಿಷ್ಟು ಪುಟಗಳಲಿ..
ಬಣ್ಣದ ಕನಸಾಗಿದ್ದ ಹುಡುಗಿ..
ಕೊಟ್ಟಳಿಂದು.
ಸುಂದರ ನೆನಪಿನ ಉಡುಗೊರೆಯ.

ಮದುವೆಯ ಮಮತೆಯ ಕರೆಯೋಲೆಯ ಜೊತೆಯಾಗಿ...

ಪಾಪ..  ಅವಳ ತಪ್ಪಿಲ್ಲ..
ಗೊತ್ತಿಲ್ಲ ಆಕೆಗೆ...
ನಾ ಕಂಡ ಕನಸುಗಳ್ಯಾವವೂ..


ಕನಸುಗಳ ಗೋಪುರ ಕಟ್ಟಿ..
ಅವಳ ಕರೆದು ಕೂರಿಸದವ ನಾನು...
ವಾಸ್ತವತೆಯ ಬಿರುಗಾಳಿಗೆ ಅಂಜಿ ..
😂😜

ನಾಲ್ಕು ಹನಿ ಮಳೆಯ ನೆಪ :

ಕೊನೆಗೂ ಮಳೆಯಾಯಿತು.
ಕಾರ್ಮೋಡಗಳು ಕರಗಿ...

 ಮೌನದ ಮುನಿಸು ಮುಗಿದು..
ಮತ್ತೆ ಮಾತಾದಂತೆ..



----------------------------------


ಕಣ್ಸೆಳದ ಮಿನುಗೋ "ಹೊಸ ಕಣ್ಣುಗಳು" ....


ನೋಡ್ತಾ ನೋಡ್ತಾ.. "ಏನೋ ಒಂಥರಾ" ...


ಇಷ್ಟು ಸಾಲದು ಅಂತ ತುಂತುರು "ಮಳೆಯ-ಹಾಡು" ಬೇರೆ...


ಒಂಚೂರು trackನಲ್ಲಿದ್ದ heart--beats ಜಾಸ್ತಿ ಮಾಡಿಕೊಂಡು..  ಮತ್ತೆ ತಾಳ ತಪ್ಪಿ ಕೂತಿದೆ...⁠⁠⁠⁠

ಮಾರು ದೂರ ಸರಿದಳು..
ಮುಂದೆ ಬರುತ್ತಿದ್ದ ಚೆಂದುಳ್ಳಿ ಚೆಲುವೆ...

ನನ್ನ ನೋಡಿಯಾ?....
ಮನದಲ್ಲಿ ದುಗುಡದ ಪ್ರಶ್ನೆ...

ಉತ್ತರವಾಯ್ತ..
ಹಿಂದಿನಿಂದ ಓಡಿ ಬಂದ ನಾಯಿ...!!

ಮನಸು ಕೊಂಚ ನಿರಾಳ.. 😂⁠⁠⁠⁠

ಮಳೆಗಾಗಿ ಹವಣಿಸಿದ್ದ ಮರ...

ಖುಷಿ ಪಡುವಂತಿಲ್ಲ...

ಧೋ ಎಂದು ಭೋರ್ಗರೆದ  ಮಳೆಗೆ..

ಜೊತೆಯಾಗಿ ಬಂದ ಬಿರುಗಾಳಿಗೆ...

ಅಂಗಾತ ಮಲಗಿದೆ..

ಸಾಥಿಯಾಗಿದ್ದ 'ಹಿರಿ'  ಮರ..

ಗಾಳಿ - ಮರದ ಶಬ್ಧ ನಿಂತಿದೆ...

ಇನ್ನುಳಿದಿದ್ದು ಬರೀ ಸ್ಮಶಾನ ಮೌನ..

(ಅಜ್ಜಿಗೊಂದು ನುಡಿ ನಮನ)⁠⁠⁠⁠

ಶುರುವಾಗುವ ಮುನ್ನವೇ ... 

ಮೃದುವಾದ ಮಾತು.. 

ಸ್ಮಿತ ವದನ.. 

ಒಟ್ಟಿನಲ್ಲಿ..  ಸೌಮ್ಯ ಸ್ವಭಾವದ ಹುಡುಗಿ...! 

ಗುರೂ .. " ಸ್ಟೋರಿ ಶುರುಮಾಡಿಕೊಳ್ಳೋಣವೇ"?

ಗೊತ್ತಲ್ಲ ..  ಮನಸು- ಮರ್ಕಟ.. ! 

ಕುಣಿದಾಡೋಕೆ  ಶುರು.. !

3-4 ದಿನ.. ಅವಳನ್ನ ಕಂಡಾಗೆಲ್ಲ...  ಮನಸಿನಲ್ಲಿ ಗುಣಾಕಾರ  ಭಾಗಾಕಾರ..  

ಇವತ್ತು ಅವಳ  ಪ್ಲೇಟ್ ಅಲ್ಲಿ  ಮೂಳೆ ನೋಡಿದಾಗಲೇ .. 

ಲೆಕ್ಕಾಚಾರ ಬಗೆ ಹರಿದದ್ದು..! 

FULL STOP .!

ಅಲ್ಲೆಲ್ಲೋ ಮಳೆಯಾಗುವುದಕ್ಕೆ.... 

ಗುಡುಗು ಮಿಂಚು ಇಲ್ಲೇತಕೆ ?... 

ಹಾರಿದ್ದೆ.. ಆಕಾಶದೆತ್ತರಕ್ಕೆ.... 

ಕನಸಿಗೆ ರೆಕ್ಕೆ-ಪುಕ್ಕವ ಪೋಣಿಸಿ.... 

              ...

ಥೊ..ಇಲ್ಲೂ  ಬಂತಲ್ಲ ಮಳೆ.. 

ತೋಯ್ದವಲ್ಲ...  ರೆಕ್ಕೆ-ಪುಕ್ಕ... 

ಧೊಪ್ಪನೆ ಬಿದ್ದಿದ್ದೆ... ಫುಟ್ಪಾತಿನಲಿ.... 

ಭಾರವಾದ ರೆಕ್ಕೆಗಳಲಿ ಹಾರಲಾಗದೇ.. 

ಬಿದ್ದ ರಭಸಕ್ಕೆ.... ಒಡೆದು ಹೋದವು.. 

ಅಲ್ಲೇ ಇದ್ದ.... ಫುಟ್ಪಾತು ಹುಡುಗನ

ಬಣ್ಣ ಬಣ್ಣದ ಗುಳ್ಳೆ ಮಾರುವ ಕನಸು!! .. 

ಇಬ್ಬರಿಗೂ... ವಿಪರೀತ ನೋವು...  

              ...

ಮಳೆಯಾದರೇನಂತೆ...

ಮತ್ತೆ ಹಾರಬೇಕು  ಆಕಾಶದೆತ್ತರಕೆ.. 

ಈ ಬಾರಿ..ರೈನು ಕೋಟು ತೊಟ್ಟು!!

              ...

 -- \/эйждт

(ಮೊನ್ನೆಯ ಗುಡುಗು- ಮಳೆ ಅದ್ಯಾಕೋ ಇಷ್ಟವಾಗದೇ ಇದ್ದಾಗ!)

ಮಳೆ ಬರುವ ಮುನ್ನ :

ಮಳೆಯಾಗದಿರಲಿ.. ಮಳೆಯಾಗದಿರಲಿ..  

ಬಿಸಿಲ ಬೇಗೆಯಲಿ ಬೆಂದ ಜೀವಕೆ 

ಹೊಸ ಆಸೆಯ ಹುಟ್ಟಿಸಿ ಹೋಗುವಂತೆ .. 

ಮಳೆಯಾಗಲಿ.. 

ಒಡಲ ಧಗೆಯ ತಣಿಸಿ .. 

ಸಿಹಿ ಒರತೆಯ ಹುಟ್ಟಿಸುವ 

ಮುಂಗಾರಿನ ಝಡಿ  ಮಳೆಯಂತೆ 

ಅಮೆಲೆ: 

ಮರೆಯಾಯಿತು.. 

ಮಳೆಯಲಿ ನೆನೆದ ಖುಷಿ..

ಕೆಸರಲಿ ಹೂತ ಕಾಲು,

ನೆನೆದ ಮನ.. ಎರಡೂ  ಭಾರ...

ಮುಂದೆ:  

ಮತ್ತದೇ ಬೇಗೆ... 

ಮಳೆಯ ನಿರೀಕ್ಷೆ, ಹಪಹಪಿಕೆ.. 

                                                        

--\/эйждт

ರಾಮಾಯಣ..

ಅದೆಷ್ಟೋ ಸಂಗತಿಗಳು ಬದಲಾಗಲ್ಲ ಅಂದ್ಕೊಂಡಿರ್ತೀವಿ .... ಆದರೆ... ನೋಡನೋಡುತ್ತಿದ್ದಂತೆ... ಅರೆ!!... ಅವು ಹೀಗಿದ್ದವಾ?!!.. ಅನ್ನೋವಷ್ಟರಮಟ್ಟಿಗೆ...ಉಹುಂ....ಎಷ್ಟು ತಲೆ 

ಕೆರೆದುಕೊಂಡರೂ,.... ತಲೆಯಲ್ಲಿರೋ ಕೂದಲು ಉದುರಿದವೇ ವಿನಃ,

 ಸಮಾಧಾನ ಕೊಡುವಂತಹ ಉತ್ತರ ಸಿಗೋದೆ  ಇಲ್ಲ..

ಒಂದು ಕಡೆ ತೀರ  ಆಪ್ತವಾಗಿದ್ದ ಸಂಬಂಧಗಳು ಸಮಯದ, ಮತ್ತು ಭೌಗೋಲಿಕ ಪರಿಧಿಯಡಿ ಸಿಲುಕಿ ನಲುಗಿ ಹೊಕ್ತಾವೆ/ಹೋಗಿದಾವೆ.... ಇನ್ನೊಂದು  ಕಡೆ ಈ  ಎಲ್ಲ ಪರಿಧಿಗಳನ್ನ ಮೀರಿ ನಿಲ್ಲುವಂತಹವನ್ನ  ನೋಡ್ತಾ ಇದ್ರೆ...  

ಎಲ್ಲವೂ ಹೀಗೆ ಇರಬಾರದೇ ಅಂತ ಅನ್ನಿಸತ್ತೆ.. ಆದರೆ..

 ಜಗತ್ತು ಇರೋದೇ ಹೀಗೆ....

ಎಲ್ಲವೂ ನಮಗೆ ಬೇಕಾದ ಹಾಗೆ ಇರೋಕೆ ಸಾಧ್ಯ ಇಲ್ವಲ್ಲ!!...

ಪ್ರತಿ ಹಂತದಲ್ಲೂ ಶುರುವಿನಲ್ಲಿ  ಒಂದಿಷ್ಟು ಸಂತೋಷ..

 ಕೊನೆಯಲ್ಲಿ.. ಅಗಲಿಕೆಯ ದುಃಖ..

ಬೇಜಾರೇನಪ್ಪಾ  ಅಂದ್ರೆ... 

ಮತ್ತೆ ಹೊಸತಾಗಿ ಅದೇ-- start from the scratch  ಅಂತಾರಲ್ಲ..

 ಅಲ್ಲಿಂದ ಶುರು ಮಾಡಬೇಕಲ್ಲ ಅನ್ನೋದು!!.. ಅದೂ...

 ಮುಂದೊಂದಿನ ಮತ್ತೆ ದುಃಖಕ್ಕೆ ಕಾರಣವಾಗಬಹುದು...  ಅಂತ ಗೊತ್ತಿದ್ದೂ.... ಇದೊಂದ್ರೀತಿ... ಹುಟ್ತೊವ್ರೆಲ್ಲ ಸಾಯಲೇಬೇಕು ಅಂದಂತೆ... 

ಆದರೂ...ಜನ ಹುಟ್ಟುತ್ತಲೇ ಇರಬೇಕು.. 

ಇನ್ನೊಂದು ಕಡೆ ಸಾಯ್ತಾ ಇರ್ಬೇಕು...ಅನ್ನೋ ಜಗದ ನಿಯಮ...

ಇದೆಲ್ಲದರ ಮಧ್ಯೆ ಬದುಕಿರುವ ಬಡ ಜೀವಕ್ಕೆ ಊರುಗೊಲಾಗಬಹುದು.... 

ಅಂತ ಇದ್ರೆ .. ಅದು... ಜೀವನ ಪ್ರೀತಿ ಮಾತ್ರ.......

                                                               -- \/эйждт

ಅಂದು.. ಅವಳ ಕಂಡು..
"ಕಣ್ತುಂಬ ತುಂಬಿರಲು ಚೆಲುವೆ ನಿನ್ನಯ ಚೆಲುವು..
ನಿದ್ರೆಯೀಗ ಬರೀ ಕನಸು, ಕನಸುಗಳೆಲ್ಲ ನಿನ್ನವು"..
ಎಂದು ಹೊರಟ ಸಾಲುಗಳು..
ಅವಳ ತಲುಪುವ ಮುನ್ನವೇ..
ಕರಗಿ  ಹೋದವಲ್ಲ..
ಹೆಪ್ಪುಗಟ್ಟಿದ ಮೋಡ ಗಾಳಿಗೆ ಸಿಲುಕಿದಂತೆ..

ಹಾಡು ಹಾಳಾಗಲಿ.. ಎಂದೆದ್ದು ಹೊರಟರೆ..
ಕಾಡುತ್ತ  ಕೂತಿತೆ ಆ ಮುದ್ದು ಮೊಗ ..
ಖಿನ್ನವಾಯಿತು ಮನಸು.. 
ನಿದ್ರೆಯಿಲ್ಲ, ನಿದ್ರೆಯೆಲ್ಲ ಚೂರು ಚೂರು ಕನಸುಗಳೇ..


ಆಮೇಲೆ.. 

ಭಗೀರಥನ ನೆನಪಾಗಿ..
ಚೂರಾದ ಕನಸುಗಳ ಕೂಡುತ್ತ ಕೂತೆ..
ಏನಾಶ್ಚರ್ಯ!!.. ಕೂಡಿಸಿದ ಕನಸುಗಳಲ್ಲಿ...
ಮೂಡಿದ್ದು ಚೆಂದದ ಬೇರೊಂದು ಮುಖ..!!

ಹಳೆಯ ಹುಣ್ಣ ಕೆರೆಯುತ್ತ..
ಹೊಸ ಹಾಡು ಹುಟ್ಟಿದ್ದು ಹೀಗೇನೆ.. 


--\/эйждт