ಮೆಲುಕು 

ಮೊನ್ನೆ ಯಾಕೋ ನನ್ನೊಳಗೆ ತುಕ್ಕು ಹಿಡಿದು ಕೂತಿದ್ದ "ಬಾರಿಸು ಕನ್ನಡ ಡಿಂಡಿಮವ" ಎಂಬ 'ಗಂಟೆ'ಯ   ನೆನಪಾಯ್ತು...   ತುಂಬಾ ದಿನ ಆಗಿತ್ತಲ್ಲ.. ಆ ಗಂಟೆಯ ಸವರುತ್ತ... ಶುಚಿಗೊಳಿಸೋಣವೆಂದು 'ಮನೆ'ಯಂಗಳದಿ ಕೂತೆ... 

             ...ಒಂದೊಂದು ತುಕ್ಕನ್ನೂ ತೆಗೆಯುತ್ತ  ಹೋದ ಹಾಗೆ ಹಿಂದೆ ಅಡಗಿ ಕೂತಿದ್ದ "ನಮ್ಮೂರ ಶಾಲೆಯೆಂಬ-ಕನ್ನಡತಿ"ಯ ಕಂದ 'ರಾಘವ' ಸಿಂಬಳ ಸುರಿಸುತ್ತ... ಜರಿಯುತ್ತಿರುವ ಚಡ್ಡಿಯ ಮೇಲೇರಿಸುತ್ತ ಕೈಯಲ್ಲೊಂದು 'ಗಿರಿಗಿಟ್ಟಿ'ಯ ಹಿಡಿದು ಹೆಗಲಿಗೆ 'ಪಾಟಿ-ಕಡ್ಡಿಯ' ಚೀಲವ ಏರಿಸಿ ದೂರದ ಶಾಲೆಗೆ ಹೊರಟಿದ್ದ....

              .....ಎದುರು ಮನೆಯ ಗೇಟಿನ ಕಿರುಗುಡುವ ಸದ್ದು ನನ್ನನ್ನು ವಾಸ್ತವಕ್ಕೆ ಬೇಡವೆಂದರೂ ಕರೆತಂದಿತ್ತು... 

              ಆ  ಗೇಟಿನಿಂದ ಗಜಗಾತ್ರದ ಬ್ಯಾಗಿಗೆ ನೇತು ಹಾಕಿದಂತೆ ಕಾಣುತ್ತಿದ್ದ ಪೋರ-'ಕಿಶೋರ' 

ಆಟೋ-ಅಂಕಲ್ ನ ಬರವ ನಿರೀಕ್ಷಿಸುತ್ತ ಇಸ್ತ್ರಿಮಾಡಿದ ಅಂಗಿ-ಚಡ್ಡಿ, ಫಳ ಫಳನೆ ಹೊಳೆಯುವ ಬೂಟು ತೊಟ್ಟು ವಯಸ್ಸಿಗೆ ಮೀರಿದ ಗಾಂಭೀರ್ಯದೊಂದಿಗೆ ನಿಂತಿದ್ದ.....   

              ಯಾಕೋ ನನ್ನ 'ಡಿಂಡಿಮವ' ಮುಂದುವರೆಸಲಾಗೆಲೇ ಇಲ್ಲ.... ಮತ್ತು...

 ಎದುರು ನಿಂತಿದ್ದ ಕಿಶೋರನಲ್ಲಿ ಕಾಣಬೇಕಾಗಿದ್ದ ನನ್ನ ರಾಘವನನ್ನು ಕಾಣಲಾರದೇ ಹೋದೆ...

 

                                                                                                         

  

                                                                                                                                               --\/эйждт