BMS ಬಾಂಧವರಿಗೆ ...

ಇವತ್ತು ಬೆಳಗ್ಗೆಯಿಂದ ತೀರ ಖಾಲಿ ಖಾಲಿ ಅನ್ನಿಸ್ತಾ  ಇತ್ತು.. ಸಾಯಂಕಾಲದ 

ಹೊತ್ತಿಗೆ  ಬ್ಯೂಗಲ್ ರಾಕ್ ಗಾದರೂ  ಹೋಗಿ ಬರೋಣ ಅಂತ ಎದ್ರೆ.. sudden ಆಗಿ ಭಾರ ಅನ್ನಿಸಿ ಬಿಡೋದೇ!!...

ಮರೆತೇ  ಹೋಗಿತ್ತು ನೋಡಿ..   ನಿನ್ನೆಯಷ್ಟೇ  ನೆನಪಿನ ಚೀಲದ ತುಂಬ BMSನಲ್ಲಿನ ಕ್ಷಣಗಳನ್ನ  ಗಿಡಿದು ತುಂಬಿಸಿಕೊಂಡಿದೀನಿ ... 

ಎಷ್ಟೊಂದು  ಸವಿ ನೆನಪುಗಳು!!..

.... ಹೌದು .. ಈ ನಾಲ್ಕು ವರ್ಷಗಳು ಅದ್ಹೇಗೆ ಕಳೆದು ಹೋದವೋ ಗೊತ್ತಿಲ್ಲ್ಲ.. ಮೊನ್ನೆಯಷ್ಟೇ ಯಾರಾದರೂ ragging  ಮಾಡಬಹುದಾ ಅನ್ನುವ ಪುಕ್ಕಲುತನದೊಂದಿಗೆ ಕಾಲೇಜ್ ಒಳಗೆ ಕಾಲಿಟ್ಟಿದ್ದು ಕಣ್ಣಿಗೆ ಕಟ್ಟಿದಂತಿದೆ.. ಅಷ್ಟರಲ್ಲ್ಲೇ.... 

ನಿನ್ನೆಯ ದಿನ...

ನಮ್ಮನ್ನ್ನ ಕಾಲೇಜ್  ನಿಂದ  official ಆಗಿ ಹೊರದಬ್ಬಿ ಬಿಟ್ಟರಲ್ಲ!!(farewell ) ....

 ಜಗತ್ತು ಓಡ್ತಾ  ಇದೆ ಅನ್ನೋದು ಇದಕ್ಕೇನಾ?? 

ಅದೆಷ್ಟೊಂದು  ನೆನಪುಗಳು..!! 

ಈ C  ಬೆಂಚು, ಬೋರ್ ಹೊಡೆಸೋ  ಆ ಕ್ಲಾಸ್ ರೂಮ್  ಪಾಠಗಳು .. 

ಲೈಬ್ರರಿ ಸ್ಟೆಪ್ಸು, ಅಲ್ಲಿ ಕುತ್ಗೊಂಡು ಮಾಡಿದ teasing , gossip... ಕಚ್ಚಾಡಿ ತಿಂದ ತಿಂಡಿಗಳು ನಮ್ಮ್ನನ್ನ ಮಿಸ್  ಮಾಡಿಕೊಳ್ಳುತ್ತವೋ  ಇಲ್ಲವೋ ಗೊತ್ತಿಲ್ಲ..

 ಆದರೆ...

ನಮ್ಮಿಂದ ಇವುಗಳನ್ನ   ಮಿಸ್ ಮಾಡಿಕೊಳ್ಳದೇ  ಇರಲು ಸಾಧ್ಯವಾ ??..

ಅದರೂ ಪಯಣ ಮುಂದೆ ಸಾಗಬೇಕಲ್ಲ ...

ಈ ನಾಲ್ಕು ವರ್ಷಗಳಲ್ಲಿ ನಮ್ಮಗಳ ಹಾದಿ bms ನ ಸುತ್ತಮುತ್ತಾನೆ ಹರಿದಾಡಿದ್ದವು.. ಮುಂದೆ ಹಾದಿ ಒಂದೇ ಅಗಿರೋದಕ್ಕೆ   ಆಗದೇ ಇದ್ರೂ  ಅವಾಗವಾಗ ಸಂಧಿಸ್ತಾ ಇರಲಿ ಅನ್ನುವ ಆಶಯದೊಂದಿಗೆ ...

ಸ್ನೇಹವೆಂಬ  ಮಮತೆಗೊಂದು  ಸಲಾಂ!!..

   --\/эйждт

ನಮ್ಮ   ದೃಷ್ಟಿಯ   ಮೇಲೆ   ದೃಶ್ಯ   ನಿರ್ಧಾರವಾಗತ್ತೆ  .. ನಿನ್ನೆ     ಹಾಸ್ಯ   ಕಾರ್ಯಕ್ರಮವೊಂದನ್ನ   ವೀಕ್ಷಿಸುತ್ತಾ   ಇದ್ದೆ .. ಆದ್ರೆ..,  ಅಲ್ಲಿ  ನನಗೆ  ಕಾಣ್ತಾ  ಇದ್ದಿದ್ದು ….

ಸನ್ಮಿತ್ರ   ನಗೆಯಭಿಮಾನಿ,

"ನನಗೆ  ಇತ್ತೀಚೆಗೆ  ಈ   ಕಾರ್ಯಕ್ರಮಗಳನ್ನ  ಮಾಡೋದು  ತುಂಬಾ  ಬೋರಾಗ್ತಾ    ಇದೆ .. ನನ್ನಲ್ಲಿ  ಇನ್ನು  ಹೊಸ  joke ಗಳನ್ನ  ಸೃಷ್ಟಿಸುವುದು  ಸಾಧ್ಯವಿಲ್ಲ  ”.. ಅಂತ  ಪರಿಚಯದವರ  ಹತ್ತಿರ  ಹೇಳ್ದೆ .. ಅವ್ರು  – “ನೀವ್ಬಿಡೀಪ್ಪ   .. ತುಂಬಾ  joke ಮಾಡ್ತೀರ  ..” ಅಂದು  ಬಿಡೋದೇ !!.. ಜನ   ನನ್ನನ್ನ   serious ಆಗೇ  ತಗೋಳಲ್ಲ  !!.. L

ಇನ್ನೊಂದಿನ  ನನ್ನ   ಕಾರ್ಯಕ್ರಮ    ನಡೀತಾ  ಇರೋವಾಗ .. “ಅವತ್ತೂ    ಇದೇ  joke ಮಾಡಿದ್ದಾ   ಕಣೆ!!”..  ಅಂತ   ಮಹಿಳಾ  ಮಣಿಯೊಬ್ಬಳು    ತನ್ನ   ಸೆರಗನ್ನ   ಸರಿ  ಮಾಡ್ಕೊಳ್ತಾ     ಪಿಸುಗುಟ್ಟಿದಳು  .. ಎಷ್ಟು   ಪಿಚ್ಚೆನ್ನಿಸ್ತು     ಗೊತ್ತಾ .. L

ಏನೋ  ನನ್ನ  ಮೇಲೆ  ನಾನೇ  joke ಮಾಡ್ಕೊಳೋದರಿಂದ       ಪರವಾಗಿಲ್ಲ ..   “ನೋವುಗಳೂ  ನಗುವಾಗ್ತವೆ ”!!.. J

ನಗೇನು  ಆದ -ಅದೇ  joke ಗಳನ್ನ   ಮತ್ತೆ   ಮತ್ತೆ   ಮಾಡೋಕೆ  ಇಷ್ಟವಾ ??.. ಆದ್ರೆ  ಹೊಸ   joke ಗಳು  ಸುಮ್ನೆ    ಉದ್ಭವಿಸಲ್ಲ  !!..  ನಾಲ್ಕು  ದಿನ  refresh ಆಗಿ  ಹೊಸದನ್ನ   ಸೃಷ್ಟಿಸೋಣ   ಅಂದ್ರೆ … ಉಹುಂ .. ಅದು  ನನ್ನ  ಹೊಟ್ಟೆ  ಪಾಡು !!.. ಇನ್ನೊಬ್ಬ  ನನ್ನ  ಸ್ಥಾನಕ್ಕೆ  ಸಂಚಕಾರ ತರಲ್ಲ    ಅಂತ   ಏನ್ ಗ್ಯಾರಂಟೀ ??.. L

ಅದರೂ  ನಿಮ್ಮ   ನಗು –ಸಂತೋಷ   ನನ್ನನ್ನ   ಮತ್ತೆ   ಮತ್ತೆ   ನಿಮ್ಮ ಮುಂದೆ  ಎಳೆದು  ತಂದು  ನಿಲ್ಲಿಸತ್ತೆ..  ದೀಪದೆಡೆಗೆ   ಆಕರ್ಷಿತವಾಗೋ  ಪತಂಗದ  ತರಹ ... ರೆಕ್ಕೆ  ಸುಟ್ಟು ಕೊಂಡಾದ್ರೂ   ಸರಿಯೇ .. ನಿಮ್ಮ   ನಗುವಲ್ಲಿ  ನನ್ನದೊಂದು  ಚೂರಾದ್ರೂ  ಪಾಲಿರಬೇಕು  ಅನ್ನೋ ಹುಚ್ಚು.. J

 

 -- \/эйждт

"ನಾವು  ಮಾಡುವ   ಅದೆಷ್ಟೋ  ಕೆಲಸಗಳಿಗೆ  ಅರ್ಥ  ಇರಲ್ಲ … ಇದೂ  ಹಾಗೇನೆ  …

 ಅರ್ಥವನ್ನೇನಾದ್ರೂ  ಕಂಡ್ಕೋಬಹುದು  ಅಂತ  ಇದ್ರೆ ..  ಅದು  ನಿಮ್ಮ  ಕಿರುನಗೆಯಲ್ಲಿ  ಮಾತ್ರ .."

ಹಳೆತಾದರೂ  ಸಪ್ಪೆಯಾಗದ  ನಿನ್ನೆಗಳು ..

ಚಿಗುರೊಡೆಯುವ  ಹೊಸ  ಹೊಸ  ಕನಸುಗಳು ..

ಇವುಗಳ  ಮಧ್ಯೆ  ವಾಸ್ತವದ  ದರ್ಪ ..

ಪಥ್ಯವಾಗದ ಬೆಳಗಿನ  ಚಿತ್ರಾನ್ನ ..

ಆಡಿದ  ಮಾತು  ಅರ್ಥವಾಗುವ  ಮುನ್ನವೇ 

ಒದ್ದು  ಹೊರಟಳಲ್ಲ ..!!

ನನ್ನ  ತಪ್ಪಾದರೂ  ಏನಿತ್ತು ..??

ಗೆಳೆಯನ  ಬಳಿ  ಸಾರಿದೆ ..

ತಿನ್ನುತ್ತಿದ್ದವ  ಸಾವರಿಸಿಕೊಂಡು ..

ಮೆಲ್ಲನೆ  ಅತ್ತಿತ್ತ  ನೋಡಿ ..

“ಚಿತ್ರಾನ್ನ  ಚೆನ್ನಾಗೇ  ಇದೆಯಲ್ಲೋ ..!!” ಎಂದ .. 

                                                                                                    

                                                                                                                                                                                                                                                --\/эйждт

ಅವನ ಡೈರಿಯಿಂದ..

ಅವನ ಮಾತಲ್ಲೇ....

                     ಇಲ್ಲಿ ಬರುವ ಎಲ್ಲಾ  ಸಂಗತಿಗಳೂ ಕೇವಲ ಸ್ವಯಂ ಪ್ರೇರಿತ... ಕೇವಲ ನಾನು ಮತ್ತು ನನ್ನ ಕನಸುಗಳೇ ಪಾಲುದಾರರು.. ಅವಳದ್ದೇನೂ ಇಲ್ಲ.. after all ಅವಳಿಗೆ ಇದರ ಬಗ್ಗೆ ಗೊತ್ತೂ ಇಲ್ಲ...ಯಾಕಂದ್ರೆ ಇಲ್ಲಿಯ ತನಕ ನಾನು ಅವಳ ಹತ್ತಿರ  ಮಾತಾಡೇ ಇಲ್ಲ!!..  


"ಬರೆಯೋದಕ್ಕೆ ಕೂತಾಗಲೆಲ್ಲ ಮತ್ತೆ ಮತ್ತೆ ಅವಳೇ ನೆನಪಾಗ್ತಾಳೆ.. ಅದಕ್ಕೇ ಇವತ್ತೊಂದು ಇತಿಶ್ರೀ ಹೇಳೋ ಪ್ರಯತ್ನ....

 ಅವತ್ತೇನೋ ಬೆಳಂಬೆಳಗ್ಗೆಯೇ ಕಂಡ ಕನಸುಗಳಿಗೊಂದಿಷ್ಟು ಅರ್ಥೈಸಬೇಕಂತ retro ರೀತಿಯಲ್ಲ್ಲಿ ನನ್ನ ಪ್ರೇಮ ನಿವೇದನೆಯ ಪತ್ರ ಬರೆಯೋಕೆ ಕೂತೆ..  ಕಸವಾದ ಹಾಳೆಗಳಿಗೆ ಲೆಕ್ಕವಿಲ್ಲ..
ಅಂತೂ ಕೊನೆಗೊಮ್ಮೆ ok  ಎಂದೆನಿಸಿದ   ಕ್ಷಣ... 

ಕೈಯಲ್ಲಿ ಕೊಡಲಾ..??
ಅಥವಾ.....
ಅಂಚೆಯ ಮುಖಾಂತರವಾ??..


ಕೈಯಲ್ಲೇ ಕೊಟ್ಟರೆ ಪ್ರತಿಕ್ರಿಯೆ ಏನಿರಬಹುದು??!!..
ನೀನ್ಯಾರು ಅಂದರೆ...ಏನೆನ್ನಲಿ??..

ನಾನು ನೀನು ಓದ್ತಾ ಇರೋದು ಒಂದೇ college ಕಣೆ....
ಏನೋ ನೋಡ್ತಾ ನೋಡ್ತಾ ಹೀಗೆ ಲವ್ ಆಗೋಯ್ತು.. ಅನ್ನಲಾ..??
how  dare you ?? ಅಂದರೆ....

ಅವಳು ಸಾಯಲಿ...
ನನ್ನದು ಪ್ರೀತಿಯಾ??.. infatuation ??
ಥುತ್.. ಪ್ರಶ್ನೆಗಳೇ!!

ಕೊನೆಗೊಮ್ಮೆ ಸಾಧ್ಯವೇ ಇಲ್ಲವೆಂದೆನಿಸಿದಾಗ..
ಆ ಪತ್ರವನ್ನೇ ಹರಿದೆಸೆಯುವ ಯೋಚನೆ..
ಉಹುಂ... ಅದೂ ನನ್ನಿಂದಾಗಲಿಲ್ಲ..

ಮುಂದೇನಾಯ್ತೂ ಅಂದ್ರೆ..

ಪತ್ರವಿನ್ನೂ ಜೋಪಾನವಾಗಿದೆ..
ಯಾವತ್ತಾದರೂ.. ಹೀಗೇ urgent  ಆಗಿ ಬೇಕಾದರೆ ಇರಲಿ  ಅಂತ...."








--\/эйждт 

                           ಅಪರೂಪಕ್ಕೆ   ಹಾಡುಗಳನ್ನ  ಕೇಳೋದು  ನನ್ನ  ಹವ್ಯಾಸ .. ಅದರಲ್ಲೂ  selected  ಹಾಡುಗಳನ್ನ  ಮಾತ್ರ .. ಮೊನ್ನೆ  ಅದ್ಹೇಗೋ  FM ರೇಡಿಯೋ  ಹಚ್ಚಿಬಿಟ್ಟಿದ್ದೆ   !!.. ಅದ್ಯಾರೋ  ಪುಣ್ಯಾತ್ಮ   “ಓ  ನನ್ನ  ಚೇತನಾ ....” request ಮಾಡಿದ್ದ ..      

               

                           ಆ  ಹಾಡು  ಮುಗಿದು  ಮತ್ತೊಂದಿಷ್ಟು     ಹಾಡುಗಳು , RJಗಳ  ತಲೆಹರಟೆ ನಡೆದೇ   ಇತ್ತು  ಅಂತ  ಕಾಣ್ಸತ್ತೆ  .. ನಾನು  ಮಾತ್ರ  ಅದಾವುದರ  ಪರಿವೆ  ಇಲ್ಲದೆ  ಅಕ್ಷರಶಃ  ಚಿಂತನೆಯಲ್ಲಿ  ಬಿದ್ದಿದ್ದೆ ..

                            ಕುವೆಂಪು ಅವರು ..  ಜೀವನದೆಡಗಿನ  ನಮ್ಮ  approach ಹೇಗಿರಬೇಕೆಂಬುದನ್ನ  ಎಷ್ಟು  ಚೊಕ್ಕಟವಾಗಿ , ಸರಳವಾಗಿ   ಹೇಳಿದ್ದಾರಲ್ಲ !!...

                        “.....ಆಗು  ನೀ  ಅನಿಕೇತನ ..”   ಹೌದು.. ಬಹುಪಾಲು  ನಾವು ಇದಕ್ಕೆ ವ್ಯತಿರಿಕ್ತವಾಗಿಯೇ  ನಡೆದುಕೊತೇವೆ... ನಾವಾಯ್ತು .. ನಮ್ಮ  ಪುಟ್ಟ  ಬಳಗವಾಯ್ತು .. ಅದರಾಚೆಗಿನ  ಸಂಗತಿಗಳೆಲ್ಲ  ನಮಗೆ  ತೀರ  ಅಪರಿಚಿತವೆನ್ನಿಸುವಷ್ಟರಮಟ್ಟಿಗೆ   ಇದ್ದುಬಿಡ್ತೇವೆ .. ನಮ್ಮ  comfort zoneಗಳಿಂದ  ಹೊರಬರುವ   ಪ್ರಯತ್ನವನ್ನೇ  ನಾವು  ಮಾಡಲ್ಲ ..    

                        ನಿಂತ  ನೀರಿನಂತಾಗಿ  ಬಿಡ್ತೇವೆ !!..ನನ್ನ  ಹಾಗೆ .. ನನಗೆ  ಚಂದವೆನಿಸಿದ  ನಾಲ್ಕು   ಹಾಡುಗಳನ್ನೇ  ಮತ್ತೆ  ಮತ್ತೆ  ಕೇಳ್ತಾ  ಕೂತಿದ್ರೆ ... ಅದೆಷ್ಟೋ  ಒಳ್ಳೆ  ಹಾಡುಗಳು  ಅನ್ಯಾಯವಾಗಿ  ತಪ್ಪಿ  ಹೋಗತ್ತೆ !..  ಅಂದ  ಮಾತ್ರಕ್ಕೆ  ಸಿಗುವ  ಎಲ್ಲಾ ಹಾಡುಗಳೂ  ಒಳ್ಳೆಯವೇ  ಆಗಿರಬೇಕು  ಎಂತಲೂ  ಅಲ್ಲ .. ಏನೋ  ಹೇಳ್ತಾರಲ್ಲ .. ಕೆಟ್ಟದ್ದು   ಏನೂ  ಅಂತ   ಗೊತ್ತಿದ್ರೆ  ಒಳ್ಳೆಯದರ  ಮೌಲ್ಯ  ಇನ್ನಷ್ಟು  ಸ್ಫುಟವಾಗತ್ತೆ  ಅಂತ .. ಹಾಗೆಯೇ ...

                        ಜೀವನದಲ್ಲಿ  ಒಂದಿಷ್ಟು  ಗುರಿಗಳ  ಜೊತೆ  ಶುದ್ಧ  ಅಲೆಮಾರಿಯ  ಅಲೆದಾಟ , ಹುಡುಕಾಟ  ಸಾಗಬೇಕು .. ಆಗಲೇ  ನಮ್ಮ  ಭಯ , ಸಂಕುಚಿತತೆಗಳ  ಪರಿಧಿಯಾಚೆಗೆ  ಜೀವನವನ್ನ   ಅದ್ಭುತವಾಗಿ  ಆಸ್ವಾದಿಸಬಹುದು  ಅನ್ನೋ  ಮಾತು ಎಷ್ಟು  ಸತ್ಯ ಆಲ್ವಾ??!!..

"...ಓ ಅನಂತವಾಗಿರು ..."

-- \/эйждт 

ಇದು ಕಥೆಯಲ್ಲ..

ಆತ ಪಯಣಿಗ.. ಹಲವಾರು ವರ್ಷಗಳಿಂದ ಅಖಂಡವಾಗಿ ನಡೀತಾನೆ ಇದಾನೆ .. ಸುಸ್ತಾಗಿ ನಿಂತಿದ್ದು ಇಲ್ಲವೇನೋ.. ದಾರಿಯಲ್ಲಿನ ಕಲ್ಲ್ಲು ಮುಳ್ಳುಗಳನ್ನು ಲೆಕ್ಕಿಸದ ಅನವರತ, ಅವಿಶ್ರಾಂತ ಪಯಣ - ಅನ್ನುವುದಕ್ಕಿಂತಲೂ ಹೆಚ್ಚಿನದಾಗಿ, ಅದೊಂದು ಬಾಹ್ಯ ಪ್ರಪಂಚದ ಅರಿವೇ ಇಲ್ಲ್ಲದ ಹುಚ್ಚು ಪಯಣ..  ಯಾಕಪ್ಪಾ ಈ ಪರಿಯ ಪಯಣ?.. ಅಂತ ಕೇಳಿದ್ರೆ ಬಹುಶಃ ಅವನಲ್ಲಿ ಉತ್ತರವಿಲ್ಲ.. 

ಹೌದು...ಅವನ  ರೀತಿಯೇ ಹಾಗೆ!!.. 

ಈ ಪ್ರಪಂಚ ದೊಡ್ಡದಾಯಿತೆಂದು ತನ್ನದೇ ಲೋಕವನ್ನ  ಸೃಷ್ಟಿಸಿಕೊಂಡು ಬಿಟ್ಟಿದ್ದಾನೆ.. ಅಲ್ಲಿರುವುದು ಕೇವಲ ಕನಸುಗಳು.. ಮತ್ತು ಕನಸುಗಳು.. 

ಇಷ್ಟನ್ನ ಬಿಟ್ಟು ಮತ್ತೇನಾದರೂ ಸಿಗಬಹುದು ಅಂತ ತಡಕಾಡಿದರೆ..

ಮೆಲುಕಿದಷ್ಟೂ ಬಾಹ್ಯದ ಕಲ್ಲು ಮುಳ್ಳುಗಳಿಗಿಂತಲೂ  ಹೆಚ್ಚ್ಚಾಗಿ ಚುಚ್ಚುವ ಹಳೆಯ ಪುಟ್ಟ ಪುಟ್ಟ ತಪ್ಪುಗಳು .. 

ಪಟ್ಟ ಪಶ್ಚಾತಾಪ... ಪುಳಕಿತಗೊಳಿಸುವ ಆರ್ದ್ರ ನೆನಪುಗಳು .. ಇದರೊಟ್ಟಿಗೆ ಕಾಡುವ ಗಾಢ ಮೌನ..

ಹಾಗಂತ ಆತ   ಬಾಹ್ಯದೊಂದಿಗೆ ಸಂವೇದನೆಯನ್ನೇ ಕಳೆದುಕೊಂಡಿದಾನೆ ಅಂದ್ರೆ.. ಅದು ಖಂಡಿತವಾಗಿಯೂ ತಪ್ಪು... 

ಆತ 'ಆಮೆ'ಯಂತಹವ .. ತನ್ನ ದುಃಖ ಸಂತೋಷಗಳೆಲ್ಲ  ಚಿಪ್ಪಿನಂತಹ ಅವನ ಲೋಕದೊಳಗೆ ಮುಡಿಪು..  

ಅಲ್ಲಿಯೂ ಇಲ್ಲಿಯ ಹಾಗೇ 'ತಂತಿ' ವೀಣೆಯ ಝೇಂಕಾರವಾಗ್ತದೆ ..
ಆದರೆ ಉಲಿಯುವ ಕೋಗಿಲೆ ಸದೃಶ ಧ್ವನಿ ಕರ್ಣ ಕಠೋರವಾಗುವ  ಭಯವಿಲ್ಲ..

ಹೊರಗಿನ ನೋವು, ದುಃಖ ದುಮ್ಮಾನಗಳಿಗೆ ಪರ್ಯಾಯವಾದ ಆನಂದವನ್ನು.. 
ಅವನ ಲೋಕದಲ್ಲಿ ಕಂಡುಕೊಳ್ಳೋ  ಪ್ರಯತ್ನವಷ್ಟೇ..       

ನಮ್ಮೊಳಗೂ ಇಂತಹವನೊಬ್ಬನಿದಾನಾ ??..

ಇದ್ರೆ ಹೊರಗೆ ಕರ್ಕೊಂಡು ಬರೋಣ.. 

 

-- \/эйждт

ನೀ – ನಾ  ಬರೆವ  ಕವನ!!

ಹೊತ್ತಲ್ಲದಾ  ಹೊತ್ತಲ್ಲಿ ….

ಪೆನ್ನ  ಶಾಯಿಯೇ  ಒಣಗಿದಂತೆ ..

ಮನದಿ  ಮೂಡಿದ್ದ  ಮಬ್ಬುಗತ್ತಲು ..

ಬರೆವ  ಹಾಳೆ  ಮುದ್ದೆಯಾಗಿ ..

ಕಸವಾಗುವ  ಸಮಯದಿ ….

..ಬಂದಿದ್ದಳವಳು ..

'ನಾ' – ನೀ  ಬರೆವ  'ಕವನ'ವಾಗುವೆನೆನ್ನುತ ..

ಹಲ್ಲು  ಗಿಂಜಿ .. ಮೊಂಬತ್ತಿಯ  ಹಚ್ಚಿ ..

ಬರೆಯಲು  ಕೂತೆ .. ಕರೆಂಟು  ಇರಲಿಲ್ಲವಲ್ಲ ..

ಥುತ್ .. ಅದೆಂತಹ  ಗಾಳಿ!!.. 

ಮೋಡವನ್ನೇನೋ    ಸರಿಸಿತು ..

ಆದರೆ .. ಬೆಳಕೆಲ್ಲಿಂದ  ಬಂದೀತು??..

ಸೂರ್ಯ  ಮುಳುಗಿದಾ   ಹೊತ್ತಲ್ಲಿ ..

ಚಂದಿರನಾದರೂ  ಬೆಳಕನಿತ್ತಾನು ..

ಎಂದೆಣಿಸಿದರೆ ..  ಅಂದೇ  ಅಮಾವಾಸ್ಯೆ ..

ಥೋ .. ಕಣ್ಮುಚ್ಚಿ  ಮಲಗಿದರೆ …

ಅವಳ  ನಗುವಿನಂದದಾ  ಬೆಳಕು ..

ಸಾಕಲ್ಲ .. ಕನಸಲ್ಲೇ  ಬರೆದೆ  ಕವನವ …

ಬೆಳಗ್ಗೆ  ಎದ್ದು  ಕಂಡ  ಕನಸಿಗೊಂದಿಷ್ಟು ..

ಅರ್ಥ  ಪೂರೈಸಬೇಕೆನ್ನುತ .. 

                                                            -- \/эйждт